درد بھی بے مزہ نہیں ہوتا

شمس الرب خان شعریات

درد بھی بے مزہ نہیں ہوتا

دے اگر وہ گلہ نہیں ہوتا


چوم لوں اُس کو اپنی نظروں سے

مجھ سے یہ بھی گنہ نہیں ہوتا


دور ہوکے بھی پاس رہتا ہے

پیار میں فاصلہ نہیں ہوتا


جو ہمارا ہوا کبھی اک بار

پھر کسی اور کا نہیں ہوتا


مجھ کو بھی اُس سے پیار ہے لیکن

بس زباں سے ادا نہیں ہوتا


نہ ملا میری نظروں سے نظریں

صرف مے سے نشہ نہیں ہوتا


ہوکے ناراض تجھ سے اے ہمدم

پھر کسی سے خفا نہیں ہوتا


بھیجتا ہوں میں روز ہی لیکن

خط پہ اُس کا پتہ نہیں ہوتا


چاند پیاسا ہے گر تجلّی کا

شمسؔ میں کیوں فنا نہیں ہوتا


11
آپ کے تبصرے

avatar
3000
10 Comment threads
1 Thread replies
0 Followers
 
Most reacted comment
Hottest comment thread
11 Comment authors
احسان الہی سلفی سامرودیعبدالقدیرریاض الدین مبارکAbdur Rahmanخان ضمیر Recent comment authors
newest oldest most voted
Kashif Shakeel
Guest
Kashif Shakeel
بہت عمدہ ماشاء اللہ بہت خوب
Rizwanullah abdul rahman
Guest
Rizwanullah abdul rahman
نہایت ہی عمدہ
دور حاضر کے إقبال آپ ہی ہیں
فؤاد أسلم المحمدي المدني
Guest
فؤاد أسلم المحمدي المدني
واه واه
کیا بات ہے ماشاء اللہ
زندہ باد
مومن خان مومن والا کلام لگ رہا ہے
عامر انصاری ممبرا
Guest
عامر انصاری ممبرا
خوبصورت اور بہترین
سلامت رہیں ۔

ہاں مگر عرض ہے کہ ماڈرن زمانے میں اب خط بھیجنے کی روایت معدوم نہیں تو کم ہوتی جارہی ہے ، ڈاک خانوں کو دوسرے کام تفویض کئے جارہے ہیں ایسے میں کچھ نئی تعبیر ایجاد کرنی چاہیے ۔

Shamsurrab Khan
Guest
Shamsurrab Khan

حوصلہ افزائی کے لیے بہت بہت شکریہ۔۔۔ خط کے تعلق سے عرض ہے کہ جب میں خط ہی لکھتا ہوں تو میں نئی تعبیر کیوں ایجاد کروں؟ 😂 پرانے طرز کا عاشق ہوں، آج بھی یقین رکھتا ہوں کہ کاغذ پر لکھے گئے خط صرف خط نہیں ہوتے، خوشبو کے محلات ہوتے ہیں جن میں خوشبوئے یار بسی ہوتی ہے۔۔۔ کبھی آپ کو محبوب کا خط ملا ہے؟ پتہ ہے خط ملنے پر کیسا محسوس ہوتا ہے؟ سنیے، خط ہاتھ میں آتے ہی ایسا محسوس ہوتا کہ مہندی سے رچی بسی محبوب کی عطر بیز ہتھیلی ہاتھ میں آگئی ہو۔۔۔… Read more »

Abdul Noor Malik
Guest
Abdul Noor Malik
ماشاء الله
بہت خوبصورت غزل ہے روز بروز پروفیسر کی غزلوں میں نکھار بھی آرہا ہے یہی وجہ کہ لوگ اقبال اور مومن سے بھی تشبیہ دینے لگے مجھے تو اس غزل میں جون ایلیا کی جھلک نظر آرہی ہے بہر کیف اچھی غزل ہے💐💐
دعا ہے کہ پروفیسر اسی طرح اپنے معیاری کلام سے ہم لوگوں کو مستفید کرتے رہیں
جگ جگ جیو پروفیسر
خان ضمیر
Guest
خان ضمیر
بہت خوب پروفیسر صاحب!
ریاض الدین مبارک
Guest
ریاض الدین مبارک
کچھ غزالانِ آگہی ساغر
نغمہ و شاعری کے مجرم ہیں
عبدالقدیر
Guest
عبدالقدیر
ماشاء اللہ…. شاندار رواں غزل….
روز بروز نکھار بڑھتا جا رہا ہے غزل میں…
🌷🌷🌷
احسان الہی سلفی سامرودی
Guest
احسان الہی سلفی سامرودی
ما شاء اللہ بہت عمدہ غزل
مزہ آ گیا