(بیاد مفتئ جھنڈا نگر مولانا عبدالحنان فیضی رحمہ اللہ)
ذرہ ذرہ گلشن ہستی کا ہے ماتم کناں
کوئل و بلبل پپیہے، قمریاں محو فغاں
اڑ چکے ہیں اس چمن سےطائران خوشنوا
اجڑا اجڑا، سونا سونا ہوگیا ہے گلستاں
شدت غم میں ہیں ڈوبے آج اہل علم و فن
مفتئ جھنڈا نگر تھے جن کے میر کارواں
محفل علم حدیث مصطفی کے تھے چراغ
آفتاب وماہتاب، نور گستر کہکشاں
سیرت و کردار میں تھے وہ سراپا رہنما
راہ دکھلاتے رہے، خود بن کے وہ روح رواں
کیوں نہ ہو خوں بار غم سے دیدہ اہل چمن
حیف رخصت ہوگیے یہ مرشد و پیر مغاں
اس جہان فانی میں کیا جی لگانا اے حسن
جا چکے سب راہرو باقی ہیں قدموں کے نشاں
آپ کے تبصرے